Os contos do mundo (2)

Internet tamén chegou ao mundo do conto, como é evidente. Neste sentido, se a súa aparición revolucionou moitos aspectos da nosa vida cotiá, podemos formularnos algunhas preguntas. Por exemplo, existen contos diferenciados para nenos e nenas na Rede?, estanse a producir cambios no uso da imaxinación e a fantasía?, como é a linguaxe que se utiliza?, etc.

Non é posible ser moi exhaustivo nun post, pero hai que deixar constancia da influencia de Internet neses temas. Aínda que tamén é impensable reflectir a cantidade de páxinas dedicadas ao conto, porque é inmensa. Así que empezaremos por ordenar e clasificar, dalgunha forma, aquelas que xa foron citadas aquí.

En Contomundi, despois da última revisión, ademais dos contos populares máis familiares, aparecen algúns contos populares de España e das súas distintas comunidades, as adaptacións modernas e os contos popularizados, e, por suposto, os contos populares doutras terras e doutras culturas. Recóllense mesmo mitos e lendas. É dicir, que non se rexeita ningún relato do imaxinario popular; posto que, dende sempre, esta literatura tradicional reflectiu as crenzas humanas, as súas preocupacións e a súa imaxinación.

Esta relación de contos, nunha imaxinaria volta ao mundo, nace de toda esa amálgama de narracións universais e intemporais. Creo que ao final resultou bastante sinxelo; en ningún caso houbo que forzar demasiado a integración. Tanto uns coma outros están constituídos por palabras semellantes e pola materia dos mesmos sonos.

Esta é unha primeira aproximación á clasificación dos nosos contos, aos contos do mundo. Sobreviviron, chegaron ata nós, merecen esta atención.

CONTOS POPULARES FAMILIARES: Os contos universais máis coñecidos, que foron recuperados por Charles Perrault ou polos hermanos Grimm, e tamén contos provenientes doutras tradicións ou da recente influencia audiovisual.

• Grimm cuentos, ou os contos dos irmáns Grimm.
• Cuentos de Perrault, na Biblioteca Virtual Miguel de Cervantes.
• Cuentos folclóricos rusos, recollidos por A. N. Afanasiev.
• Las mil y una noches, historias que xurdiron na cultura árabe.
• Juan y las habichuelas mágicas, da tradición inglesa.

CONTOS POPULARES DE ESPAÑA: Como decía Carmen Bravo-Villasante, en toda España florece o conto popular alegrando as nosas distintas, e á vez comúns, paisaxes.

• Cuentos populares de Castilla y León, aínda que tamén se encontran noutras zonas de España: Juan el de la vaca; Almendrita; El castillo de irás y no volverás.
• Galicia Encantada, unha enciclopedia da fantasía popular de Galicia.
• La rateta que escombrava l'escaleta, de Cataluña, e na súa lingua.

ADAPTACIÓNS MODERNAS E CONTOS POPULARIZADOS: Forman unha das chaves que abren as portas da literatura de autor. E unha boa parte deles xa están no imaxinario infantil.

• De H. C. Andersen: El patito feo; La princesa y el guisante; El nuevo traje del emperador; El soldadito de plomo.
• De C. Collodi: Pinocho.
• De Jeanne-Marie L. de Beaumont: La Bella y la Bestia.

CONTOS POPULARES DOUTRAS TERRAS: A Terra é unha, e os relatos das súas xentes son tamén únicos. Din que podemos coñecernos a través das nosas historias, polo que paga a pena comprobalo.

• Cuentos de la Madre Tierra, do pobo aymara (América do Sur).
• Cuentos judíos, aínda que non só de Israel.
• Cuentos de mi tía Panchita, de Costa Rica e América Central.
• Cuentos de Portugal, na lingua portuguesa.
• Cuentos de Nasrudin, de Turquía e Asia Central.
• El pájaro maravilloso, contos populares chinos.
• Cuentos saharauis, dos pobos do deserto máis grande.
• Kahani, contos do mundo, de Animalec.
• Contes d'arreu del món, contos do mundo (en catalán).

MITOS E LENDAS: Por exemplo, do mundo antigo de Grecia e Roma, que tanto influíron na cultura occidental e na formación do noso imaxinario. Pero tamén nos interesan os mitos e as lendas doutros lugares, doutras xeografías.

• Leyendas del mundo, de Escocia, Suíza, Irlanda, Francia, Gales…
• Diccionario de mitos y leyendas, de Arxentina, Bolivia, Chile, Brasil e outros países de América.
• A lenda do crocodilo, de Timor Leste (Asia).
• Legends & Folktales, impresionante, pero en inglés.
• Myths from Around the World, tamén en inglés.
• Mitos en videocontos: Orfeo y Eurídice; Teseo y el minotauro.