4 sept. 2008

A raposa e as sardiñas

Este foi o primeiro conto de Contomundi, que os nenos e as nenas de 1º coñeceron este ano. A partir desta historia iniciamos a nosa viaxe polo mundo, con relatos de todos os continentes.

Un sardiñeiro levaba un burro cargado cunha caixa de sardiñas que arrecendían a frescas. Chegou o cheiro ao nariz dunha raposa, e pensou como faría para darse unha fartura delas.

Discorreu de facer o morto no camiño por onde ía pasar o sardiñeiro. De xeito que cando pasou e viu á raposa, dixo:

De Clara García Castaño, 6 anos—¡Ai, home, que sorte che tiven hoxe! ¡A pelica desta raposa aínda che ha de valer uns bos cartos!

E, sen máis, pillouna polo rabo, botouna enriba das sardiñas e seguiu o seu camiño. E imaxinou as cousas que ía mercar cando vendese a pelica.

A raposa, en canto se viu soa, empezou a botar sardiñas ao chan ata non deixar ningunha no caixón. Entón tamén se tirou ela. Buscou unha cesta, colleu as sardiñas todas e marchou á sombra dun castiñeiro a comelas mentres dicía:

—¡A listura da raposiña enganou ao home das das sardiñas!

Despois, durante moitas semanas, na clase e nas casas lemos unha ducia de pequenos tesouros: os contos populares do mundo...

Os traballos de Contomundi 2008

No hay comentarios:

Related Posts with Thumbnails