22 de ago. de 2009

A narrativa dixital

O psicólogo Jerome Bruner, un dos representantes da teoría cognitiva, fala dun novo modelo de percepción mental ao que denomina modelo narrativo.
Mediante unha función narrativa implícita nese modelo, a mente explora mundos posibles máis alá das necesidades inmediatas da persoa. Por esa razón, Bruner considera que os relatos son pautas, paradigmas para entender e describir o noso mundo. E asegura que os contos teñen algún tipo de existencia na mente do destinatario, calquera que sexa a expresión na que se atopen.
Se a narrativa tamén é unha modalidade de pensamento e de forma artística, a escola actual debe coñecer o digital storytelling ou narración dixital. En realidade, trátase de contar historias que veñan reforzadas con imaxes dixitais e outros elementos: texto, voz, música, etc. Como en internet existen aplicacións 2.0 válidas para estas tarefas, no blog ábrese unha nova sección chamada Narrativa dixital. De momento só ten un enlace, PhotoPeach, porque é unha ferramenta que descubrimos o pasado curso.
Haberá máis aplicacións para a educación primaria, pero hoxe presentamos unha historia. Deixade que vos explique como naceu. Un día chegou á aula un neno que traía un conto, que o fixera cos seus pais na casa. Entregoume un papel dobrado, mireino e devolvinllo. Entón, o neno leu nervioso a súa pequena historia e a clase enteira quedou pensativa, pois era moi triste. Despois, empezaron a facer…


Por Twitter anda moita xente que colabora cos demais e comparte información. Como Teresa Pombo e os seus colegas de INTERACTiC 2.0, que procuran unha escola con tic social. A todos eles, desde aquí, obrigado por todo iso…!

2 comentarios:

Teresa Pombo Pereira dijo...

Mario, para mim, para nós na Interactic 2.0, é que é decerto uma honra estarmos um pouquinho presentes neste teu extraordinário trabalho em torno das narrativas digitais. Desejo as maiores felicidades para o novo projecto com o qual aprenderemos muito!

Mario Aller dijo...

Pois que dicir dos vosos traballos, que xa percibín en INTERACTiC. Seguro que no camiño nacerán novas ideas para colaborar...
Obrigado por esas palabras!

Related Posts with Thumbnails